Cidade aplausos web

O Cidade de Narón viaxa a Palencia para enfrontarse ao Guardo FS

O técnico naronés recupera a Iván e a Bertito para este partido.

Narón, a 18 de outubro de 2018.- Este próximo sábado ás 18:00 o Cidade de Narón disputará a que será para eles a sexta xornada da liga regular. Acoden á pista do Guardo FS con todos os efectivos a disposición do técnico a falta da última sesión de adestramento.

Enfróntanse a un equipo que aínda non coñece a derrota nesta liga e que posúe moitas virtudes sobre todo en ataque con xogadores que traballan moi ben as transicións ofensivas e a finalización, así como as situacións de 1x1. Isto fará que os visitantes téñanse que esixir un plus no traballo defensivo, tanto individual como colectivo buscando que o resultado sexa o menos abultado posible.

A expedición partirá cara a Gardo o sábado ás 08:45 da mañá coa intención de disputar un gran partido e buscar un resultado positivo que lles permita seguir nos postos altos da táboa.

Cidade-Santiago de Sama-2 web

O Cidade de Narón faise cos tres puntos ante o Santiago de Sama

Cuarta vitoria dos de Narón que superaron aos asturianos por un 4-2

Guille foi un dos xogadores destacados anotando dous goles

Narón, a 13 de outubro de 2018.- O Cidade de Narón consegue sumar unha nova vitoria nun partido moi importante en casa ante a súa afección tras unha longa loita contra un gran equipo.

Na primeira metade os locais contaron con numerosas ocasións para adiantarse pero que non se conseguiron materializar, notándose as ausencias coas que partía o equipo para este encontro.

Na segunda metade os visitantes metéronse no partido e intentaron chegar á portería defendida por Arriví de forma máis numerosa e é aquí cando conseguiron adiantarse no marcador aproveitando unha desafortunada xogada en banda dos locais. Pouco tardaría en reaccionar o club naronés que un minuto máis tarde facía o empate, obra de Guille. A partir de aquí os pupilos de Albes déronlle calma ao encontro permitindo traballar xogadas de estratéxica en banda e saída de presión que deron resultado permitindo chegar aos últimos minutos cunha vantaxe que os visitantes intentaron reducir con porteiro-xogador sen éxito.

Grazas a esta vitoria o Cidade de Narón mantense nos postos altos da táboa e xa pensan no partido da próxima semana que lles enfrontará ao Deporcyl Guardo FS.

Ficha técnica:

Cidade de Narón: Arriví, Brais, Diego, Iago e Buján. Tamén xogaron: Guille, Mario, Rubén, Jaime e David.

Santiago de Sama FS: Pelayo, Marquez, Choki, Dani e Chino. Tamén xogaron: Saul, Fredy, Manute, Valdés e Javi.

Goles: 0-1, min. 24: Chino; 1-1, min. 25: Guille; 2-1, min. 32: Guille; 3-1, min. 35: Diego; 4-1, min. 38: Buján; 4-2, min. 39: Saul.

Árbitros: Pablo Coello e Borja Darriba. Amoestaron a Javi e Fredy do Santiago de Sama FS.

Pavillón: A Gándara (Narón)

Cidade-Albense web

O Cidade de Narón recibe este sábado ao Santiago de Sama

O partido terá lugar no Pavillón da Gándara ás 18:00 horas

Antes do partido do primeiro equipo xogará o Infantil de Liga Galega (16:00 horas) e posteriormente o Cadete Liga Galega (20:00 horas)

Narón, a 12 de outubro de 2018.- Os pupilos de Javier Albes reciben este fin de semana ao Santiago de Sama, equipo asturiano que se atopa en metade de táboa no momento de visitar Narón. Os asturianos son un equipo moi ordenado que saben moi ben ao que xogan e que ademais posúen unha gran capacidade ofensiva e un ritmo de xogo moi elevado que pode poñer en apretos aos locais.

O Cidade de Narón parte para este encontro coas baixas de Bertito e Iván por lesión, o que fará que o equipo resíntase no apartado ofensivo.

Antes do partido o técnico local comentábanos: ”Necesitamos seguir nunha boa liña defensiva que nos transmita seguridade e aproveitar as ocasións que teñamos xa que espero un partido moi igualado ata o final. Non queremos ceder máis puntos na nosa casa e seguir sumando nos partidos como visitante para estar o máis cerca posible dos primeiros postos e manter os obxectivos intactos neste primeiro tramo de liga”.

Esteo-Cidade web

O Cidade de Narón lévase o derbi fronte ao O Esteo

Os visitantes derrotan ao equipo pontés por 0-2.

O Cidade tivo que lidiar coa lesión de Iván que condicionou toda a segunda metade.

Narón, a 06 de outubro de 2018.- Partido moi disputado o que puidemos ver na noite do venres na localidade de As Pontes. O Cidade mantivo a intensidade e o traballo defensivo ao longo de todo o encontro o que o decantou ao seu favor.

O inicio de partido foi de tenteo para ambos equipos, con defensa en media cancha, posesións curtas e buscando situacións de 1 para 1. Nesta primeira parte a maioría das ocasións foron para O Esteo especialmente con xogadas de estratexia e balóns ao espazo ao xogador máis avanzado que foi en case todo momento Pana. O Cidade trataba de defenderse e soubo aproveitarse do xogo de pívot xerando varias ocasións grazas a esta onde chegou o único gol desta primeira metade obra de Iván San Emeterio cun tiro desde a frontal. A partir de aquí o Cidade de Narón dispuxo de dous tiros exteriores tras estratexia que non conseguiron culminar. Pola súa banda O Esteo estivo a piques de poñer o empate a través de Durán que estrelou o balón no pau.

Na segunda vimos un partido máis aberto pero sen demasiado ritmo. O Cidade seguía co mesmo sistema de defender en media cancha con xogo moi directo en ataque cedéndolle o balón a O Esteo que buscaba un bo 1x1 para conseguir o empate. A partir de entón un dos grandes protagonistas foi o porteiro visitante, Alberto Niceto que salvou un man a man nas botas de Pana e un tiro próximo de Bruno. Con todo o Cidade tamén dispuxo dunha boa ocasión na que Javichu conseguía adiviñar as intencións de Buján e evitar o segundo dos naroneses. O partido achegábase á recta final onde o equipo de Albes nunha contra sacada por Buján que busca a Brais ao segundo pau, pero este sofre un agarron de Durán que ve a segunda amarela, é expulsado e ademais provoca un penalti en contra para o seu equipo. Buján conseguiu bater a Javichu desde o punto de penalti e de aquí en diante O Esteo buscou a remontada á desesperada empregando o porteiro-xogador. Ao final varias ocasións de O Esteo de tiro exterior e algun lanzamento desde o seu propio campo do Cidade de Narón pecharon a xusta vitoria visitante no partido pertencente á cuarta xornada de liga.

Ficha técnica:

O Esteo: Javichu, Alex Durán, Pana, Rober, Jacobo. Tamén xogaron: Hector, Ayalita, Brunito, Dani e Troncho.

Cidade de Narón: Alberto, Iván, Diego, Brais e Buján. Tamén xogaron: Iago, Bertito, Guille e Mario.

Goles: 0-1, min. 5: Iván; 0-2, min. 34: Buján

Árbitros: Roberto Amor e Mario Salinas. Amonestaron a Jacobo e expulsaron a Durán por dobre amarela para O Esteo.

Pavillón: Pavillón Municipal de As Pontes (As Pontes).

Celebracin web

O Cidade de Narón enfróntase a O Esteo no derbi comarcal

O encontro disputarase o venres ás 21:00 no Pavillón Municipal de As Pontes.

O club naronés buscará seguir sumando puntos a domicilio.

Narón, a 4 de outubro de 2018.- Segunda excursión da tempada para os pupilos de Javier Albes que se medirán aos seus veciños do O Esteo, equipo cun gran potencial ofensivo que aproveita á perfección todas as opcións que se lle conceden.

O Cidade parte coas baixas de Rubén debido a unha sobrecarga e serán dúbida ata última hora tanto Mario con problemas nun tobillo así como Arriví que arrastra un proceso gripal.

O obxectivo principal do equipo non é outro que o de facerse cos tres puntos e seguir coa racha de vitorias fóra de casa logo de derrotar na primeira xornada ao Sala Ourense. Para iso saben que terán que facer un partido moi serio e non baixar a intensidade en ningún momento especialmente porque a superficie da pista de As Pontes provoca unha circulación de balón máis lenta que na cancha local do Cidade de Narón.

01_concello_naron.jpg02_padroado_deportes.jpg03_xunta_de_galicia.jpg04_fundacion_deporte_galego.jpg05_deputacion_coruna.jpg06_mafer.jpg07_fraguela.jpg
02_logo_marcial.jpg03_logo_TOBS.jpg04_logo_tintosec.jpg05_logo_cadenadial.jpg06_Logo_Telecom.jpg07_logo_Terafis.jpg08_viaxes_naron.jpg09_autos_camilo.jpg12_urbaser.jpg13_logo_calzadosmara.jpg15_logo_joyeria_fidalgo.jpg16_tienda_taberna_chis.jpg18_logo_error_ferrol.jpg19_logo_avansig.jpg22_Valio_marquesina.jpg29_Ramos_marquesina.jpg30_InmoCallao_marquesina.jpg31_Carlos_Veiga_marquesina.jpg