O Cidade de Narón suma un punto no seu arranque ligueiro fronte ao Xove

 

 

 DSC 0315 1

 

  • Os naroneses arrastraron a lesión de Iván, na primeira parte do encontro, e a expulsión de Rubén no transcurso da segunda
  • Iván, Rubén e Iago O. foron os encargados de anotar os tantos da xornada
  • A RFGF aproveitou a cita de onte para recoñecer ao equipo Alevín A da pasada tempada 19-20, quen se proclamaba campión da liga local

 

 

Narón, 31 de outubro de 2020.- O Cidade de Narón estreouse onte sábado na pista da Gándara ante o equipo lucense do Xove FS cun empate a tres tantos que soubo a pouco. O encontro, que se celebrou a porta pechada debido á extraordinaria situación que está vivindo a comarca estes días por causa da pandemia, tivo dúas fases completamente diferentes: unha primeira parte onde o Cidade dominou o xogo e alcanzou o descanso cun marcador de 3 tantos a 1; e unha segunda, onde o equipo naronés foise desdibuxando a medida que ían pasando os minutos e que acabou cun reparto de puntos. Os goles foron obra de Iván; Rubén e Iago O.

O Cidade saltaba á pista con Alberto Niceto na portería, Guille, Iván, Diego e Brais, que vestía o brazalete de capitán, no quinteto inicial. Pronto chegaron as primeiras oportunidades para os locais, que se plantaban con descaro ante a meta defendida por Javi Fajardo, ata que no minuto 5, Iván abría o marcador nunha xogada trenzada que o pivot amarelo convertía á perfección. Pese a que os lucenses intentaban frear as embestidas do equipo naronés, dous minutos máis tarde era Rubén o encargado de sumar un novo tanto ao marcador.

O Cidade poñíase por diante cunha cómoda vantaxe que podía ser maior senón fose polo acerto do guardameta do Xove, ata que no minuto 10 Gomes, nunha contra, poñía o 2-1 no marcador. O tanto anotado polo Xove e a lesión de Iván, que nunha xogada fortuita sufría unha forte escorzadura no

seu nocello esquerdo, obrigaron ao técnico local a reorganizar o xogo do conxunto naronés. Uns cambios que darían os seus froitos no minuto 18, no que Iago O. anotaba un novo tanto, o terceiro para os naroneses. Con ese marcador de 3 tantos a 1 chegábase ao descanso.

Na segunda parte, o Cidade non acabou de atoparse cómodo na cancha en ningún momento. A ausencia de Iván impedíalle gañar profundidade no xogo e as xogadas de ataque non chegaban a culminarse de xeito claro. Esta indefinición do club amarelo saldábase no minuto 28 cun ataque do Xove que supoñía o segundo gol dos lucenses, obra de novo de Gomes. Un varapalo para o Cidade que catro minutos máis tarde completábase coa expulsión de Rubén, quen tras ser derribado no área contraria encarábase ao porteiro lucense e era amonestado con tarxeta vermella, debendo abandonar a cancha de xogo.

O Xove decidía entón ir a polo encontro e pese a xogar durante dous minutos en superioridade numérica non era quen de anotar un tanto, ata que no minuto 38, con porteiro xogador no campo, Alejandro García anotaba o terceiro tanto co que finalizaba o partido. Ao final, reparto de puntos na Gándara nun choque no que o equipo que dirixe Javier Albes non soubo rematar o encontro e deixou escapar dous valiosos puntos.

 

Recoñecemento da RFGF ao Alevín A

Ao finalizar o partido correspondente á Segunda Xornada do Subgrupo 1-B da Segunda División B do Fútbol Sala Nacional, o presidente do Comité Galego de Fútbol Sala da RFGF, Pablo Prieto, facía entrega ao club dun Diploma para o equipo Alevín A, por proclamarse campión da súa categoría na Liga Local durante a tempada pasada. Un diploma máis que merecido e polo que o Cidade de Narón quere volver felicitar aos xogadores que integraron ese equipo na pasada Liga 2019-2020.

 

DSC 0814

 

Ficha técnica:

Cidade de Narón: Niceto, Guille, Iván, Diego V. e Brais. Tamén xogaron Buján, Iago Q., Rubén, Oli e Iago O.

Xove FS: Javi Fajardo, Cayón, Bruno, Chema e H. Gomes. Tamén xogaron Marcos, Bruno R., Alejandro García e Varela.

Goles: (1-0) min. 3, Iván; (2-0) min. 5, Rubén; (2-1) min. 10, Gomes; (3-1) min. 18, Iago O; (3-2) min. 29, Gomes; (3-3) min. 38, Alejandro García.

 

Árbitros: Roberto Amor e Mario Salinas. Amonestaron a Diego V. e a Rubén (expulsado no min. 32 con tarxeta vermella) polo Cidade; e a Marcos, Javi Fajardo e Bruno polo Xove.

 

Pabellón: Polideportivo Municipal da Gándara. A porta pechada.

Iván, un ano máis co Cidade

 

 

 Ivn

 

 

Iván San Emeterio García continuará unha campaña máis vestindo as cores do Cidade de Narón. Iván completará o seu sexto ano na entidade naronesa tras dar o salto ao primeiro equipo na tempada 16-17 procedente do Xuvenil.

 

O pívot naronés converteuse nunha peza indispensable no sistema de xogo implantado por Javier Albes e co que o Cidade agarda volver situarse nos postos altos da táboa.

 

Moita sorte Iván!

O Cidade renova a súa confianza en Jaime

 

 

 

Jaime 2

 

O xogador Jaime Díaz Millarengo acaba de asinar a súa renovación para a presente tempada co Club Cidade de Narón.

Procedente da canteira naronesa, Jaime é xa un fixo da escuadra que dirixe Javier Alves, á que a bo seguro volverá aportar o mellor de si un ano máis.

 

Sorte para esta tempada Jaime!

Alberto Niceto continua un ano máis no Cidade.

 

Alberto Niceto

 

O porteiro Alberto Niceto Niebla continuará unha tempada máis ligado ao Club Cidade de Narón. Con esta serán catro as campañas nas que o xogador ferrolano defenderá a elástica amarela tras aterrar na entidade naronesa na tempada 17-18.

Este ano, Alberto Niceto compartirá portería co recentemente incorporado ao primeiro equipo Fernando Combarro, que vén procedente do equipo Xuvenil. Veteranía e mocidade aliaranse esta tempada para intentar manter a portería do Cidade a cero.

 

Alberto desexámosche moita sorte para esta campaña!

 

Os de Chema Sánchez superan con solvencia ao Narón e sentenciaron antes do descanso

 

 Club Cidade de Narn 2020-2021

 

Acabáronse os test de pretemporada, aínda que sexan poucos, para o Atlético Benavente na súa preparación para competir esta tempada en Segunda División. Unha vitoria que sumada ao empate conseguido ante o Noia F.S. fan que os de Chema Sánchez cheguen invictos ao comezo de liga contra Móstoles. Este último partido serviu para medir e comprobar que todos os elementos dos benaventanos están en perfecto estado para competir.

Neste último partido, a Rosaleda volvía acoller un encontro dos seus tres meses logo de ver como conseguían o ascenso en xullo ante Otxartabe F.S. Cun forte protocolo higiénico sanitario e tras realizarse o test de antígenos antes do encontro, os xogadores do Atlético Benavente pasaron por encima dun conxunto que competirá un ano máis en Segunda División B.

Coma se dun partido oficial tratásese, os de Chema Sánchez saltaron coa actitude que lles levou a ascender de categoría e rápidamente fixéronse amos e señores do balón. Nun disparo desde media distancia Sergio Simón batía coa zurda a Niceto para abrir o marcador aos 3 minutos de arrincar o encontro. O gol supuxo un golpe para os galegos e un sopro de forza para os locais que pecharon filas en torno ao área galega. Nunha xogada de estratexia, o rexeite da falta lanzada por Charlie caía nas botas de Sergio Hernández que introducía con certeza o balón na portería galega.

O 2-0 facía xustiza no marcador a un encontro no que os de Sánchez dominaba de forma cómoda. Yayo e Malaguti sumábanse á festa poñendo o terceiro e cuarto tanto cando non se cumpriron nin 10 minutos da primeira metade. Tempo morto do técnico galego para axustar ante o vendaval de fútbol sala benaventano que se lles estaba vindo encima. O cuarto gol xerou unha relajación nos locais que o Cidade Narón soubo aproveitar. Primeiro cun golpeo exterior de Sergio Oliveira á saída dun saque de banda e un minuto despois Iago poñía o segundo aproveitando un desajuste en defensa dos de Sánchez. Dani Martín despexaba calquera dúbida nun balón en longo cando o partido chegaba ao descanso.

A segunda metade foi moita máis igualada que os primeiros vinte minutos. Os galegos con máis confianza polos dous goles anotados e os de Benavente centrados en elaborar e xerar xogo sen perder de vista a portería rival. Niceto, porteiro do Cidade Narón detiña as accións ofensivas dos locais e cando non chegaba o porteiro visitante era o pau quen impedía o tanto blanquiazul. Buscando esa mellora en elaboración e construción desde portería propia, chegaba o sexto tanto de Iván, quen debutaba como goleador blanquiazul.

Dilín e Sergio Hernández poñían a guinda á goleada nos últimos minutos certificando un triunfo cómodo, pero con certos momentos de relajación que poden ser cruciales nunha categoría tan competida como Segunda División.

Fonte:

https://www.laopiniondezamora.es/autores/daniel-simon.html

01_concello_naron.jpg02_padroado_deportes.jpg03_xunta_de_galicia.jpg04_fundacion_deporte_galego.jpg05_deputacion_coruna.jpg06_mafer.jpg07_fraguela.jpg
02_logo_marcial.jpg03_logo_TOBS.jpg04_logo_tintosec.jpg05_logo_cadenadial.jpg06_Logo_Telecom.jpg07_logo_Terafis.jpg08_viaxes_naron.jpg09_autos_camilo.jpg12_urbaser.jpg13_logo_calzadosmara.jpg15_logo_joyeria_fidalgo.jpg16_tienda_taberna_chis.jpg18_logo_error_ferrol.jpg19_logo_avansig.jpg22_Valio_marquesina.jpg29_Ramos_marquesina.jpg30_InmoCallao_marquesina.jpg31_Carlos_Veiga_marquesina.jpg