Cidade-Leis web

O Cidade gaña por un contundente 8-2 ao Leis de Pontevedra

O polideportivo da Gándara acolleu esta tarde un encontro no que os naroneses foron netamente superiores ao longo dos 40 minutos

Iván, con tres dianas; Buján con dous tantos e Mario, Iago e Rubén cun gol cada un foron os goleadores da xornada

Narón, 13 de abril de 2019.- O Cidade de Narón conseguiu esta tarde unha importante vitoria en casa ante un rival, o Leis de Pontevedra, que demostrou unha boa capacidade de xogo colectivo e de presión. A pesar do avultado do marcador final, un 8-2 a favor dos naroneses, o Polideportivo da Gándara acolleu un encontro moi disputado, entre dous equipos que querían xogar a fútbol sala e ter a posesión de balón.

A primeira parte arrincaba cun Leis ben plantado en pista, con bastante intensidade defensiva a nivel de presión e que conectaba moi ben con balón, o que poñía en dificultades ao Cidade. Con todo, os de casa foron entrando aos poucos no partido, con menos ritmo do desexado, pero máis profundidade en ataque.

O encontro empeza a cambiar co tanto anotado por Iago no minuto 3, despois dunha xogada de Iván. Un gol que co que o Leis non vén abaixo, senón que se rearma nunha xogada colectiva moi ben trenzada e de calidade que finaliza Berto no minuto catro batendo a Arriví e que supón o primeiro tanto no marcador dos pontevedreses.

Non sería ata o minuto 11 cando rompesen as táboas no marcador cun bo tanto de Buján. O encontro continua cun Leis con moi bo trato de balón e un Cidade en 3/4 que dificulta a saída de balón dos de Pontevedra. Son minutos nos que o Leis organízase moi ben xogando co pívote e pon en dificultades á defensa do Cidade, pero sen crear gran perigo. O partido entra na recta final da primeira parte e Iván anota o 3-1 a falta de dous minutos para o descanso e como resultado dunha boa xogada. Con todo, aínda quedaría tempo para que o equipo visitante puxese en aprietos aos naroneses a través dunha acción onde dúas dos seus xogadores plántanse ante o meta naronés e que este desbarata despois de aguantar moi ben e bloquear ao segundo pau achicando moi ben o espazo.

A segunda parte do encontro o Cidade continua coa presión ¾ xerando dificultades no xogo ao equipo visitante, que o tenta con balóns ao pívot e xera un perigo controlado polo Cidade. O 4-1 chega no minuto 28, tras unha boa xogada de roubo de Iván que, só ante o porteiro, define á perfección. Leis ségueo tentando pero nunha falta sacada por Buján para que Rubén finalice de tacón ante a saída do porteiro o Cidade sobe o 5-1 ao marcador e a partir de aquí o partido entra noutra dinámica ao sacar o Leis porteiro-xogador. Un Leis con moito menos ritmo, tendo posesión con 5 para catro e cun Cidade en fronte defendéndose ben. Iván pon o 6-1 no marcador no minuto 34 e a partir de aí o partido perde ritmo. O Leis conseguiría anotar o seu segundo tanto tras un rexeite na área naronesa e renunciaría a facer porteiro xogador, pero Mario, no minuto 37, finaliza a portería baleira metendo o 7-2 e no minuto 39 Buján, desde 35 metros, nun balón que vén dividido engancha unha volea e sorprende por alto ao equipo visitante poñendo o colofón a un gran partido do Cidade ante un rival que a pesar do avultado do marcador sempre deu a cara.

Ficha técnica:

Cidade de Narón: Arriví, Buján, Iago, Iván e Guille. Tamén xogaron Rubén, Diego, Mario, Bertito e Fernando Combarro.

Leis Pontevedra: Alex, Miguel, Dani, Sancho e Toño. Tamén xogaron Nico, Lucas, Gabri, Barcala e Berto.

Goles: (1-0) min. 3, Iago; (1-1) min. 4, Berto; (2-1) min. 11, Buján; (3-1) min. 18, Iván; (4-1) min. 28, Iván; (5-1) min. 31, Rubén; (6-1) min. 35, Iván; (6-2) min. 37, Barcala; (7-2) min. 37, Mario; (8-2) min. 39, Buján.

Árbitros: José Luis Sebia e Miguel Santoveña. Amoestaron a Guille, Iván e Buján polo Cidade de Narón.

Pavillón: Complexo Deportivo Municipal da Gándara (Narón).

Pizarras-Cidade web

Derrota do Cidade de Narón no feudo do Pizarras Tres Cuñados  

Os naroneses, que caeron por 6-4, non puideron superar a un equipo ourensán onde as individualidades dos seus xogadores marcaron a diferenza

Narón, 6 de abril de 2019.- Non puido ser. O Cidade de Narón viaxaba esta tarde ata terras ourensás co firme propósito de traerse os tres puntos e de paso, manter a terceira posición da táboa clasificatoria. Pero as individualidades do equipo do Barco decantaron finalmente a balanza a favor dos ourensáns, que superaron ao equipo naronés por 6 goles a 4.

O partido empezaba cos dous equipos ben plantados con defensa a media pista e con moita cautela, onde o Cidade gozaba da posesión do balón e buscaba o xogo co pivote. Mentres o Pizarras tentaba saír á contra e crear accións de perigo dun contra un. Así chegaría o primeiro gol do equipo naronés, obra de Iván no minuto 4. Dous minutos máis tarde sería o xogador ourensán Javi o que igualase o marcador tras recibir de pivote e virarse, batendo a Alberto. Buján sería o encargado de desfacer as táboas no minuto 12, tras recibir un gran pase de Diego ao segundo pau e superar ao porteiro local. O encontro entrou entón nunha fase máis tranquila ata que Durán marca o 2-2 tras un fallo defensivo do Cidade a saque dunha falta que colle o balance defensivo e bate a Alberto.

O Cidade de Narón non baixou os brazos e Mario, despois dun bo contrataque, anotaba un novo tanto para o equipo amarelo. O 2-4 foi obra de Iago á saída dunha contra. Antes de chegar ao descanso aínda habería tempo para dúas xogadas que puideron cambiar o signo do encontro: a primeira foi un tiro de David que saía fóra e a segunda, unha xogada non exenta de certa polémica na que o porteiro local despexaba coa man por alto un tiro de David fose da área. Unha acción que o equipo arbitral decidiu sancionar unicamente con tarxeta amarela. Aínda así, o Cidade chegaba ao descanso do encontro con 2-4 no marcador e moi boas sensacións.

A segunda parte empezaba coa mesma tónica: un Cidade que aguantaba ben a media pista e un Tres Cuñados que o tentaba a base de accións individuais. E serían esas mesmas individualidades as que permitirían que Corzo anotase o 3-4 despois dunha axuda defensiva de Guille en banda que descoida ao seu marcador e o xogador ourensán finalizaba de primeiras nun gran gol.

Co 3-4 o equipo naronés gozaría de dúas ocasións moi boas: unha de Buján en banda, que se plantaba diante do porteiro e que este despexaba moi ben cunha man e a segunda despois dun gol pantasma de Tres Cuñados que collía sen balance defensivo facendo o Narón un catro para dous que non lograba finalizar. O Cidade perdoou e o Pizarras Tres Cuñados aproveitou para poñer o 4-4 no marcador nunha acción individual de Dilín en banda que finalizaba moi ben ao pau longo.

Co empate, o Cidade botouse atrás e as situacións dun para un déronlle bo resultado ao equipo do Barco. Así, o 5-4 chegaría con outra acción de Durán en banda que pegaba ao segundo pau e a pesar de que o Narón pediu un tempo morto para organizar a acción de porteiro-xogador creando dous moi boas ocasións, Dilín conseguiría materializar o 6-4 final a porta baleira.

Ficha técnica:

Cidade de Narón: Alberto, Iago, Diego, Iván e Guille. Tamén xogaron Buján, Mario, Rubén e David.

Pizarras Tres Cuñados: Kiko, Bencho, David, Javi e Bruno. Tamén xogaron Juanma, Corzo, Durán, Dilín e Ezequiel.

Goles: (0-1) min. 4, Iván; (1-1) min. 6, Javi; (1-2) min. 12, Buján; (2-2) min. 15, Durán; (2-3) min. 16, Mario; (2-4) min. 18, Iago; (3-4) min. 29, Corzo; (4-4) min. 35, Dilín; (5-4) min. 37, Durán; (6-4) min. 38, Dilín.

Árbitros: Javier Durán e Iván Bermúdez. Amoestaron a Kike, Javi, Juanma e Dilín polo Pizarras Tres Cuñados e a Diego e Iván polo Cidade de Narón.

Pavillón: Polideportivo de Calabagueiros (O Barco de Valdeorras).

Cidade-Valladolid-web

O Cidade vence no seu feudo tras impoñerse ao UVA Valladolid por 5-3

Os goles do equipo naronés foron obra de Iván, que perforou a meta visitante ata en tres ocasiones, Buján e o xogador vallisoletano David R., que marcaría en propia porta.

Narón, 23 de marzo de 2019.- O Cidade de Narón cultivou esta tarde unha nova vitoria en casa tras impoñerse por 5-3 ao UVA Valladolid, sexto na táboa clasificatoria. O partido, que se disputou no Polideportivo da Gándara, estivo moi aberto os 40 minutos aínda que o maior acerto do Cidade para portería na segunda parte decantaría o resultado final a favor dos naroneses. Un encontro no que calquera dos dous equipos puido gañar, pero no que o equipo local soubo aproveitar a vantaxe que tivo sempre no marcador para facerse coa vitoria final, ante un rival moi ben traballado, moi intenso e con moita capacidade de desborde. Antes do comezo do partido gardaríase un minuto de silencio polo falecemento de Ramón Padín López, pai do presidente do Cidade de Narón, José Ramón Padín Freire.

A primeira parte empezou cun Cidade de Narón moi asentado na pista, que foi capaz de desenvolver unha circulación de balón moi fluída e xerar moitas situacións de esquina e de banda. Pola súa banda, o Valladolid non conseguía entrar en xogo. Con todo, a conexión entre Iván e Buján permitiría ao equipo naronés adiantarse ata en dúas ocasións no marcador e sacar maior rendemento ao xogo despregado pola escuadra amarela. Ademais varios fallos puntuais dun Cidade que non acababa de atoparse cómodo en defensa permitiron ao equipo vallisoletano entrar en xogo e manter o partido moi aberto e chegar ao descanso cun tres a dous favorable ó Cidade.

A segunda parte foi moito máis equilibrada cun Cidade de Narón que non permitía ao UVA Valladolid xerar transicións ofensivas e no que a defensa a media cancha ben plantada dos amarelos conseguía ter o partido controlado. Pero sen dúbida sería o 4-2, nunha contra moi ben levada por Buján que finaliza cun gol en propia meta do xogador visitante David R o que permitiría aos de casa conseguir unha renda e traballar defensivamente con maior seguridade xerando varias contras perigosas. Mentres, o Valladolid tamén o tentaría con dúas ocasións moi claras de Raulito en banda e dous tiros exteriores de Ofa que resolveu moi ben Alberto.

O partido complicaríase co 4-3, obra de Leal tras unha perda de Guille na saída de balón que creou un momento de incerteza entre os naroneses. Pero o bo traballo de Iván permitiu sumar o 5-3 definitivo. Tentaríao o Valladolid con porteiro-xogador xerando unha moi boa ocasión que non conseguiron materializar.

Ao finalizar o encontro, o técnico naronés, Javier Albes definía a vitoria conseguida esta tarde como “moi valiosa porque nos permite manter a terceira posición e continuar cunha boa dinámica de vitorias”. O próximo encontro enfrontará ao Cidade de Narón co cuarto clasificado, o Pizarras Tres Cuñados, “un partido moi importante para afianzarnos nesa terceira posición da clasificación”.

Ficha técnica:

Cidade de Narón: Alberto, Buján, Diego, Brais e Guille. Tamén xogaron: Iván, Iago, Rubén, Mario e David.

UVA Valladolid: Parra, Raulito, Muñoz, David R. e David. Tamén xogaron Picolo, Leal, Ofa, Javi e Sancris.

Goles: (1-0) min. 3, Buján; (1-1) min. 6, Ofa; (2-1) min. 7, Iván; (2-2) min. 8, Ofa; (3-2) min. 18, Iván; (4-2) min. 27, David R. p. p; (4-3) min. 28, Leal; (5-3) min. 37, Iván.

Árbitros: Rubén Vieto e Adrián Piguero. Amoestaron a David polo Cidade de Narón e a Javi e Ofa polo UVA Valladolid.

Pavillón: Complexo Deportivo Municipal da Gándara.

Ventorrillo-Cidade-web

O Cidade suma tres puntos en Coruña grazas aos goles de Buján e dos canteiráns Guille, Iván e Mario

Partido moi serio dos naroneses que lograron poñerse con 1-5 no marcador a escasos minutos do final do encontro e que o mantén na terceira posición. O equipo naronés recibirá en casa a próxima xornada ao Valladolid.

Narón, 16 de marzo de 2019.- O Cidade de Narón venceu e convenceu esta tarde no polideportivo coruñés do Ventorrillo tras impoñerse por 3 a 5 aos seus inmediatos perseguidores na táboa clasificatoria, o Uv Ventorrillo FS. Os canteiráns Guille, Iván e Mario, que perforou a meta coruñesa ata en dúas ocasións, e Buján foron os goleadores dun choque no que o Cidade chegou a ter ata catro goles de vantaxe. A vitoria desta tarde mantén ao Cidade na terceira posición.

O encontro arrincaba con pouco ritmo por parte das dúas escuadras, predominando o xogo a media cancha. Mentres o equipo local xeraba varias ocasións en segundas xogadas tras accións individuais, o Cidade de Narón carecía de profundidade no ataque e custáballe crear perigo ao meta local.

O primeiro gol chegaría tras unha acción individual de Matos que desvía David marcando en propia porta. O 1-0 imprime máis ritmo ao partido, cun Cidade que busca o empate e un Ventorrillo que cada vez sente máis cómodo na cancha xogando ao contrataque. E é precisamente neste escenario cando se produce o empate do equipo naronés, tras unha xogada de estratexia que finaliza Iván de saque de banda. Non tardaría moito en chegar o segundo gol dos amarelos, tras unha acción de córner que finaliza Mario de tacón a pase de Buján. Así se chegaba ao descanso, cun 1-2 no marcador e un Cidade que viña arriba.

A segunda parte comezaba de maneira moi diferente a como o fixese a primeira: cun equipo amarelo moito máis cómodo, que gozaba xogando o balón e que xeraba moitas situacións de córner e banda próxima. Tanto é así que tras unha xogada colectiva, Guille anota o 1-3.

Un gol que xera moita confianza no equipo naronés e que o converte o dominador absoluto do encontro. O 1-4 é obra de Mario, que golea a Buxía a porta baleira tras unha excelente asistencia de Buján. Con este marcador, o equipo local decide arriscarse con porteiro xogador e consegue xerar varios tiros desde o exterior, pero Buján aumenta a distancia tras executar un dobre penalti.

Os últimos minutos serviron aos de casa para recortar distancias. Cun Ventorrillo que continuaba xogando con porteiro xogador e un Cidade que baixaba un pouco a intensidade defensiva, os locais lograron anotar o 2-5 e, sobre a bucina o 3-5 final.

Ao remate do encontro, o técnico naronés, Javier Albes, destacaba a seriedade dos seus xogadores ao longo dos 40 minutos e o bo ambiente vivido nas bancadas.

Ficha técnica:

UV Ventorrillo FS: Buxi, Aitor, Andresín, Buxía e Matos. Tamén xogaron: Anxo, Berto, Martín, Johnny, Jaco e Juan Cruz.

Cidade de Narón: Arriví, Buján, Diego, Iago e Brais. Tamén xogaron: David, Iván, Guille, Mario e Alberto.

Goles: (1-0) P. P David; (1-1) Iván; (1-2) Mario; (1-3) Guille; (1-4) Mario; (1-5) Buján; (2-5) Matos; (3-5) Buxía.

Árbitros: Francisco José Feliz Otero e Enrique Novoa García, de Ourense. Amoestaron a Aitor, Andresín, Juan Cruz e Matos polo Ventorrillo, e a Iago, Diego e Mario por Cidade de Narón.

Pavillón: Polideportivo Municipal do Ventorrillo (A Coruña).

Cidade-Guardo web

O Cidade de Narón cae derrotado ante o Deporcyl Guardo

A falta de acerto dos locais ante os tres paus castigou en demasía a un Narón que mereceu moito máis.

Narón, 9 de marzo de 2019.- Non puido ser. O Cidade de Narón caeu derrotado esta tarde no Pavillón Municipal de Narón ante o Deporcyl Guardo. O encontro, que enfrontaba ao segundo e ao terceiro clasificado presentouse complicado para os locais desde o inicio pola intensidade que o club palentino imprimiu desde o minuto uno de partido. Ao final 0-6 a favor do Guardo ante un Narón que mereceu moito máis pero que non soubo cristalizar as numerosas ocasións que tivo ao longo do choque.

Comezaba o encontro coas arremetidas da escuadra de Palencia, que eran resoltas con acerto por Arriví. Mentres o equipo amarelo non presionaba con claridade e concedía situacións de transición que deixaban moi aberto o partido. O primeiro gol chegaría tras un rexeitamento de Arriví que aproveita Iván para meter entre os tres paus. Mentres, na área contraria Gómez ten dúas boas actuacións baixo portería que dan confianza ao seu equipo, que aumenta a vantaxe tras un tiro de falta frontal que materializa Beto. Así finalizaría a primeira parte, cun dous cero a favor do Deporcyl Guardo e uns últimos minutos con menor ritmo e intensidade como consecuencia das cinco faltas que acumulaban cada unha das escuadras.

A segunda parte arrincaría cun Cidade máis intenso na presión. Un Narón que pon en apretos ao porteiro palentino tras unha asociación perfecta de Brais con Iván que falla nun un contra un. Pola súa banda, o Guardo sacódese a continuación do encontro cun tiro ao pau. Con todo, unha perda de Buján na frontal permite a Beto de novo poñer o 0-3 no marcador e poñer ao Cidade contra as cordas. É entón cando Guardo toma as rendas do choque e pasa a dominar na posesión e a crear máis ocasións.

Tentaríao o club naronés cun 5 contra 4 xerando varias ocasións de gol, pero sería o Guardo quen finalmente as converte e sentenza en dúas xogadas de córner e nun gol tras roubar o balón no intento do Cidade de marcar con porteiro xogador.

Bo partido do Deporcyl Guardo que mostrou todas as súas armas en Narón. Un Cidade que non mostrou toda a capacidade de traballo que lle caracteriza e que resultou castigado en demasía.

Ficha técnica:

Cidade de Narón: Arriví, Guille, Iago, Iván e Buján. Tamén xogaron: Diego, Brais, David, Mario e Jaime.

Deporcyl Guardo FS: Gómez, Beto, Kuin, Chochy e Rober. Tamén xogaron: Iván, Albert, Cifu e Davicín.

Goles: 0-1 Iván (min. 5); 0-2 Beto (min.14); 0-3 Beto (min.26); 0-4 Kuin (min. 31); 0-5 Davicín (min. 33); 0-6 Chochy (min. 38).

Árbitros: Álvaro Cueto e Abel Molinero, de Asturias. Amoestaron a Rober, Beto e Chochy, por Guardo FS.

Pavillón: Complexo Deportivo Municipal da Gándara (Narón – A Coruña)

01_concello_naron.jpg02_padroado_deportes.jpg03_xunta_de_galicia.jpg04_fundacion_deporte_galego.jpg05_deputacion_coruna.jpg06_mafer.jpg07_fraguela.jpg
02_logo_marcial.jpg03_logo_TOBS.jpg04_logo_tintosec.jpg05_logo_cadenadial.jpg06_Logo_Telecom.jpg07_logo_Terafis.jpg08_viaxes_naron.jpg09_autos_camilo.jpg12_urbaser.jpg13_logo_calzadosmara.jpg15_logo_joyeria_fidalgo.jpg16_tienda_taberna_chis.jpg18_logo_error_ferrol.jpg19_logo_avansig.jpg22_Valio_marquesina.jpg29_Ramos_marquesina.jpg30_InmoCallao_marquesina.jpg31_Carlos_Veiga_marquesina.jpg