Cidade-Pizarras web

O Cidade de Narón visita este sábado ao Leis Pontevedra FS

O club naronés buscará unha nova vitoria que lles permita seguir nos postos altos da táboa

Narón, a 15 de novembro de 2018.- Chega unha nova xornada ligueira na 2º División B onde o Cidade de Narón desprazarase a Pontevedra para enfrontarse a un plantel renovado, con caras novas e un novo adestrador, que malia non colleitar uns grandes resultados nestas últimas xornadas compite en todos os partidos o que complica as cousas en gran medida aos seus rivais.

Para este encontro e a falta da última sesión de adestramento, Albes contará con todos os efectivos, fóra diso Mario que continúa de baixa.

O técnico naronés declaraba antes do partido: “Imos a unha pista onde obtivemos bos resultados nestas últimas tempadas. Espero un partido intenso e moi disputado onde case seguro cheguemos a un final aberto con posibilidades para ambos equipos”.

O persoal partirá cara a Pontevedra o sábado ás 14:00 para disputar o partido ás 17:00.

Brais-Pizarras web

O Cidade de Narón derrota de forma contundente ao líder da categoría

Os locais realizaron un gran partido levándose a vitoria por un abultado 6-1

Narón, a 10 de novembro de 2018.- Na tarde do sábado, o Cidade de Narón vencía ante a súa afección ao Pizarras Tres Cuñados, ata entón líder da táboa clasificatoria e que viña de realizar un gran arranque de tempada.

Gran partido en liñas xerais dos pupilos de Javier Albes que desde os primeiros compases do encontro despregaron un xogo moi eficaz xerando numerosas ocasións, onde a efectividad que faltou nalgúns partidos, fixo acto de presenza.

Durante os primeiros vinte minutos, os locais conseguiron saír da presión de balón conseguindo neutralizar aos grandes xogadores dos que dispón o Pizarras Tres Cuñados nun para un permitindo ao Cidade dominar e levar o ritmo do partido o que permitiu chegar ao descanso cun 3-0 a favor dos de Narón. Destacar que nunha acción fortuita, o porteiro local, Javier Arriví sufría un golpe nun dedo o que obrigaba a Albes a substituílo por Alberto Niceto que realizou algunha intervención de mérito.

Durante a segunda metade, o partido desenvolveuse da mesma forma que nos primeiros vinte minutos onde o Cidade conseguía aumentar a súa vantaxe cun gran gol de Brais. Pouco despois os visitantes recortarían diferenzas cun gran tiro cruzado pero isto non lles permitiu tomar o control do partido, pois o Cidade de Narón seguía moi ben plantado defensivamente. Faltando sete minutos para o final, o Pizarras Tres Cuñados saía con porteiro-xogador pero non conseguían achegarse no marcador aos locais.

Con esta vitoria o Cidade de Narón volve recuperar a senda da vitoria en liga e atópase cunha gran confianza tras sumar dúas vitorias en menos de cinco días.

Ficha técnica:

Cidade de Narón: Arriví, Iván, Buján, Iago e Guille. Tamén xogaron: Diego, Brais, David, Bertito, Jaime e Alberto.

Pizarras Tres Cuñados: Vedo, Dilin, Bruno, Durán e Bencho. Tamén xogaron: Juanma, Javi, Raul, Cris, Josiño, David e Maelo.

Goles: 1-0, min.10: Diego; 2-0, min. 15: Iago; 3-0, min. 18: Dilin (p.p); 4-0, min. 29: Brais; 4-1, min. 29: Bruno; 5-1, min. 31: David; 6-1, min. 37: Buján.

Árbitros: Roberto Amor e Raquel Manteiga. Amoestaron a Arriví, Guille, Diego e Bertito para o Cidade de Narón e a Bruno, Raul, Dilin, Juanma, David e Bencho para o Pizarras Tres Cuñados. Expulsaron con vermella directa ao delegado do Pizarras, Amancio Fernández.

Pavillón: Pavillón Municipal da Gándara.

Cartel Cidade-3 Cuados web

O Cidade de Narón recibe este sábado ao líder

O partido disputarase o sábado ás 18:00 no Pavillón da Gándara

Narón, a 9 de novembro de 2018.- Este fin de semana, e con motivo da novena xornada de liga, o club naronés recibe ao Pizarras Tres Cuñados, que ocupan a primeira praza tras un arranque de liga fulgurante. Si hai algo no que destaca o seu persoal sería nas grandes calidades que teñen en situacións de transición, o que obrigará aos locais a xogar un partido moi ordenado.

En canto ao Cidade de Narón, xa se atopan todos os efectivos recuperados do intenso partido fronte a O Esteo da Copa Galicia chegando a este novo enfrontamento ligueiro nun gran momento de forma. Para este partido, o técnico naronés, Javier Albes poderá contar con todos os seus xogadores fóra diso Mario que segue de baixa por molestias así como Rubén que é dúbida debido a un proceso gripal.

Espérase unha bonita tarde de fútbol sala na Gándara sumándose ao partido do primeiro equipo o encontro tanto do Infantil de Liga Galega ás 16:00 e o Cadete de Liga Galega (20:00 horas), ambos contra O Parrulo FS.

David gol web

O Cidade de Narón avanza de rolda na Copa Galicia

Os naroneses derrotaron a O Esteo por 3-4.

Narón, a 7 de novembro de 2018.- Vitoria sufrida a que obtiveron esta tarde en As Pontes os pupilos de Javier Albes que tiveron que repoñerse tras ir en dúas ocasións por baixo no marcador.

Na primeira parte, a posesión estivo repartida entre ambos equipos onde os visitantes buscaban liberarse das acometidas de O Esteo mediante xogo de pívot mantendo a presión en tres cuartos obrigando aos locais a circular moito o balón. O primeiro gol do partido anotáballo O Esteo tras unha contra. Pouco tardou en reaccionar o equipo naronés que por mediación de Iván, facía o empate. Nos minutos finais desta primeira metade, Guille sería protagonista en numerosas ocasións xa que nun infortunio tras un corner, introduce o balón na súa propia portería e fixo que os locais volvésense a adiantar no marcador, pero o xogador naronés sobrepoñeríase a este erro minutos máis tarde volvendo poñer o empate tras unha gran contra levada por Iván. Con isto chegouse ao final da primeira parte onde o Cidade perdía a Buján tras ser expulsado.

Os primeiros minutos da segunda metade foron moi intensos xa que o Cidade de Narón tiña que defenderse cun menos debido á expulsión de Buján. Malia a inferioridad, os de Albes conseguían adiantarse tras un bonito gol de Diego de volea. A partir de aquí os ponteses intentárono con accións indiviudais mentres que o Cidade defendía máis atrás para saír á contra conseguindo o cuarto, obra de David. Nos últimos minutos, os locais conseguiron reducir diferenzas e tiveron opción de conseguir o empate con dúas ocasións moi claras que non conseguiron materializar.

O Cidade de Narón xa espera rival nos cuartos de final que sairá do partido que disputarán o Villalba FS e O Parrulo FS.

Ficha Técnica:

O Esteo: Javichu, Cokito, Alex Durán, Rober e Jacobo. Tamén xogaron: Ayalita, Dani, Brunito, Troncho e Pana.

Cidade de Narón: Alberto, Iván, Diego, Brais e Buján. Tamén xogaron: David, Bertito, Iago e Guille.

Goles: 1-0, min.9: Ayalita; 1-1, min. 14: Iván; 2-1, min. 16: Guille (p. p); 2-2, min. 18: Guille; 2-3, min. 28: Diego; 2-4, min. 30: David; 3-4, min. 33: Pana.

Árbitros: Jose Manuel Carreira e Borja Moreira. Amoestaron a Diego, Albes (adestrador), Óscar (delegado) e expulsaron por dobre amarela a Buján para o Cidade de Narón.

Pavillón: Municipal de As Pontes.

Celebracin-3 web

O Cidade de Narón visita ao Universidade de Valladolid

O partido disputarase ás 16:00 no pavillón Fuente de la Mora

A expedición naronesa partirá cara a terras vallisoletanas o sábado ás 7:15 da mañá

Narón, a 2 de novembro de 2018.- Este próximo fin de semana terá lugar unha nova xornada de liga na segunda división B do futbol sala nacional onde o equipo naronés enfrontarase a un persoal que comezou moi ben o campionato e que poñerá en máis dun aperto aos visitantes. Trátase dun equipo moi vertical que lle gustan os partidos abertos e cunha gran capacidade goleadora.

Para este partido Albes recupera a Guille tras cumprir o partido de sanción pero non poderá contar con Mario por unha sobrecarga. O resto dos xogadores atópanse a disposición do técnico naronés para disputar este partido no que necesitan recuperar a dinámica gañadora das primeiras xornadas e intentar contrarrestar os puntos perdidos na xornada pasada ante o Ventorrillo FS.

01_concello_naron.jpg02_padroado_deportes.jpg03_xunta_de_galicia.jpg04_fundacion_deporte_galego.jpg05_deputacion_coruna.jpg06_mafer.jpg07_fraguela.jpg
02_logo_marcial.jpg03_logo_TOBS.jpg04_logo_tintosec.jpg05_logo_cadenadial.jpg06_Logo_Telecom.jpg07_logo_Terafis.jpg08_viaxes_naron.jpg09_autos_camilo.jpg12_urbaser.jpg13_logo_calzadosmara.jpg15_logo_joyeria_fidalgo.jpg16_tienda_taberna_chis.jpg18_logo_error_ferrol.jpg19_logo_avansig.jpg22_Valio_marquesina.jpg29_Ramos_marquesina.jpg30_InmoCallao_marquesina.jpg31_Carlos_Veiga_marquesina.jpg