A TEMPADA 2019-2020 FINALIZA ANTICIPADAMENTE

Fin Temporada 19-20

Narón, 27 de maio de 2020.- Tras recibir a comunicación oficial o pasado 25 de maio da RFEF de que se dan por finalizadas todas as competicións NON profesionais, o Club Cidade de Narón dá por finalizada a súa participación na liga regular da Segunda División B de fútbol sala nacional ocupando o 7º posto da clasificación. Hai que lembrar que a competición finaliza a falta de 7 xornadas por disputar pola situación sobrevinda da pandemia do Covid-19, co que só se disputará a fase de ascenso polos catro primeiros clasificados e a data aínda por concretar.

Desde a dirección do club queremos agradecer a xogadores e corpo técnico a súa dedicación e profesionalidade ao longo de toda a tempada e felicitalos polos esforzos realizados e éxitos cultivados.

No día de hoxe, é a RFGF a que comunica o fin de todas as competicións de base e por tanto o fin da tempada para a nosa escola. Queremos aproveitar para felicitar ao noso equipo xuvenil de liga galega que finaliza a competición en primeira posición e consegue o ascenso a División de Honra para a próxima tempada.

Desde o Cidade de Narón queremos agradecer aos nosos xogadores o esforzo realizado e aos seus pais ou titores o que confien en nós para que se sigan formando.

Desexando desde xa que se dea inicio á próxima tempada para seguir mellorando e aprendendo, esperamos que todos vós como as vosas familias atopédesvos ben de saúde e levedes esta situación excepcional o mellor posible.

Xunta Directiva

Club Cidade de Naron

 

 ASCENSO A DIVISIÓN DE HONRA XUVENIL TRAS O TÍTULO DE LIGA

 Titulo juvenil-1

 

Narón, 30 de maio de 2020.- O equipo xuvenil do Cidade de Narón consegue o ascenso á división de honra xuvenil de fútbol sala para a tempada 2020-2021, tras ostentar o primeiro posto na clasificación na xornada número 21 desta tempada. A RFGF debido á pandemia do Covid-19 resolveu dar por finalizadas as competicións coa clasificación a data 14-03-2020.

Título e ascenso merecido ao equipo adestrado por Andrés Pérez Bellas "Andy" e Nicolás Vergara Quintiana, que este ano se facían cargo do equipo. Gran traballo que permitiu facer unha tempada moi satisfactoria, conseguindo os obxectivos marcados a principio de tempada para un persoal novo, e que mostrou unha gran entrega e traballo durante os partidos e sesións de adestramento da tempada. O balance en 21 partidos de 15 vitorias, 2 empates e tan só 4 derrotas, indica a capacidade de competir dun equipo que foi crecendo co paso dos partidos.

Os xogadores de último ano xuvenil como son Fernando Combarro Fernández, Luís Sanesteban Otero ou Diego Rey Lorenzo axudaron aos máis novos a conformar un persoal moi compacta, que se adaptou moi ben ao traballo incansable de mellora proposto por "Andy".

O Club Cidade de Narón está especialmente satisfeito co equipo xuvenil, que segue dando os seus froitos ano tras ano e incorporando xogadores ao primeiro equipo, e quere recoñecer o traballo realizado esta tempada. A disputa da recta final da liga e a eliminatoria de cuartos de final de copa, eran os próximos retos dunha tempada á que non se puido poñer o final esperado na cancha de xogo.

 

Titulo juvenil-2

Almudena web

Nova Xunta Directiva do Cidade de Narón

Desde o club queren recoñecer a José Ramón “Moncho” Padín, Bernardo González e José Luis López o seu traballo e a súa implicación persoal “e sen a que hoxe o Cidade non sería unha dos sinais de identidade do fútbol sala galego” e agradecerlles por adiantado a axuda e colaboración que seguen prestando á entidade a pesar de non ostentar xa responsabilidades directivas.

Narón, 5 de agosto de 2019.- O Cidade de Narón ten nova Xunta Directiva, tras a saída de José Ramón Padín Freire da presidencia despois de cinco anos á fronte da entidade. Xunto a Moncho Padín deixan o seu cargo no equipo directivo Bernardo González Carballeira e José Luis López González, Tesoureiro e Vogal do club, respectivamente. A asociación deportiva estará presidida por Almudena Fariña Gato, quen ata agora viña desempeñando os labores de Secretaria do club. Así pois, a nova Xunta Directiva queda conformada da seguinte maneira: xunto a Fariña Gato seguirá de Vicepresidente Avelino Cinza Novo; da Secretaría encargarase Bruno García Fernández; o novo Tesoureiro será Javier Albes Testa; e nas Vogalías continuarán Ángel Manuel Gómez Paz e Alberto Lago Granada.

Desde o Club queren recoñecer publicamente a Moncho Padín, Bernardo González e José Luis López “o seu traballo e a súa implicación persoal nun proxecto que nacía hai 13 anos e sen cuxa contribución o Cidade non sería hoxe una dos sinais de identidade do fútbol sala galego”. Así mesmo, queren agradecerlles a axuda e colaboración que seguen prestando á entidade a pesar de non ostentar xa responsabilidades na súa Xunta Directiva.

O novo equipo afronta con “ilusión e con responsabilidade” o novo reto “porque o listón quedou moi alto”, aseguran, á vez que avanzan que “traballamos xa nun novo proxecto que ten como obxectivos principais continuar fortalecendo un club que grazas ao traballo dos nosos compañeiros saíntes goza dunha excelente saúde e que seguro dará no futuro moitas alegrías aos seguidores do fútbol sala na comarca”.

01_concello_naron.jpg02_padroado_deportes.jpg03_xunta_de_galicia.jpg04_fundacion_deporte_galego.jpg05_deputacion_coruna.jpg06_mafer.jpg07_fraguela.jpg
02_logo_marcial.jpg03_logo_TOBS.jpg04_logo_tintosec.jpg05_logo_cadenadial.jpg06_Logo_Telecom.jpg07_logo_Terafis.jpg08_viaxes_naron.jpg09_autos_camilo.jpg12_urbaser.jpg13_logo_calzadosmara.jpg15_logo_joyeria_fidalgo.jpg16_tienda_taberna_chis.jpg18_logo_error_ferrol.jpg19_logo_avansig.jpg22_Valio_marquesina.jpg29_Ramos_marquesina.jpg30_InmoCallao_marquesina.jpg31_Carlos_Veiga_marquesina.jpg