A falta de pegada castiga ao Cidade

DSC 0045

  • O encontro, que remataba cun 2-4 a favor do Sala Ourense, arrancaba cun minuto de silencio na memoria de Manuel Sánchez, histórico dirixente do deporte naronés
  • Rober e Rubén foron os encargados de anotar os goles da xornada

Narón, 24 de outubro de 2021.- O Cidade de Narón se enfrontaba esta xornada ao Sala Ourense confiado en volver á senda da vitoria. Sen embargo, a falta de pegada dos naroneses, sobre todo no primeiro tempo, castigábaos para rematar cun marcador de 2-4 a favor dos visitantes. Os tantos dos amarelos foron obra de Rober e Rubén. Antes do inicio do choque entre naroneses e ourensás se gardou un minuto de silencio na memoria de Manuel Sánchez, histórico dirixente do deporte naronés que falecía esta semana.

O Cidade arrancaba o partido imprimíndolle moita intensidade ao xogo a través dunha presión moi alta, o que provocaba que cando aínda nos se levaba xogado o primeiro minuto Oly estrelase un balón ao traveseiro tras un pase de Fer Combarro, hoxe baixo os paos .

Logo deste primeiro aviso e lonxe de baixar os brazos, os de Albes mantiveron unha defensa alta o que dificultaba a saída do equipo visitante que, neses primeiros minutos, non eran quen de ganduxar unha boa xogada. Uns atrancos que obrigaron aos de Óscar Álvarez a subir a defensa para intentar dificultar o avance do Cidade. Neses intres chegaron as oportunidades más claras para os de Narón: dous man a man de Iván ante o gardamallas visitante, un tiro exterior de Jacobo e unha xogada de Rubén, que ben puideron poñer por diante ao Cidade no luminoso da Gándara.

Pero cando xa se superaba o ecuador do primeiro tempo, o Ourense anotaba o primeiro tanto do partido, logo dunha paralela coa que Raúl conseguiu bater a Fernando Combarro. Corría o minuto 12 de partido.

A partir de entón, Ourense comezou a amosarse máis cómodo na cancha, gracias a posesións máis longas de balón, mentres que o Cidade buscaba resarcirse dese tanto subindo liñas. Ese risco permitiu aos visitantes xerar dúas boas accións que a piques estiveron de rematar en gol senón fose polo acerto do porteiro naronés.

Así remataba o primeiro tempo: cun Ourense máis metido no xogo logo de anotar o tanto, e un Cidade que non recollía os froitos da súa insistencia para marcar.

A segunda parte comezaba cun partido moi aberto, con contras para os dous equipos. Ata que no minuto 22 Rober, en xogada individual de pivot, se volveu e anotou o primeiro tanto para os locais.

Semellaba que os de Albes se metían no encontro acosando a meta do Ourense pero unha boa saída de presión dos visitantes, creaba un 2 para 1 que finalizaba con gol de David. Foron minutos de acoso dos ourensás sobre a meta de Fer Combarro, que o naronés repeleu con excelentes actuacións baixo os paos. Ate que un erro de marcaxe deixou só a Igor diante da portería naronesa e bateu a pracer a un Fer que nada poido facer.

O Cidade seguiu tentándoo con tiros exteriores ben atallados polo porteiro visitante ate que Albes decidiu ir a polo encontro sacando 5 para 4. O Narón dispuxo entón de orde en ataque, encadeando xogadas con perigo ata que nunha desas, Rubén rematou de cabeza poñendo o 2-3 no marcador.

Mentres que o equipo naronés apostaba por seguir con porteiro-xogador, o Sala Ourense tentaba saír desa presión que non o deixaba xogar con comodidade. E nesas chegaba a xogada polémica do partido: un tiro exterior dos naroneses era despexado coa man por un xogador ourensán para, de seguido, anotar a porta baleira o cuarto e definitivo tanto dos visitantes.

Aínda lle tocaría aos naroneses enfrontarse á lesión de Fer Combarro, que recibía un golpe na súa man esquerda, e á expulsión de Jacobo por dobre amarela, tendo que xogar durante os dous seguintes minutos en inferioridade numérica. Ao final do encontro, o adestrador naronés lamentaba que “a falla de acerto do primeiro tempo embace o bo traballo feito polos xogadores en boa parte do partido”.

 

Ficha técnica:

Cidade de Narón: Fer, Oly, Rober, Diego V e Brais. Tamén xogaron Iván, Rubén, Pablo, Jacobo e Nice.

Sala Ourense: Raúl, Iván, David, Daniel e Alexander. Tamén xogaron Gustavo, Igor e Fernando.

Goles: (0-1) min. 12, Raúl; (1-1) min 22, Rober; (1-2) min. 31, David; (1-3) min. 32, Igor; (2-3) min. 36 Rubén; (2-4) min. 36, David.

Árbitros: José Enrique Rodríguez Rendal e Daniel Eduardo Muñoz García (C.T.A.F.S. Principado de Asturias).

Pavillón: CMD A Gándara.

 

Derrota amarga do Cidade contra o Unión Arroyo

DSC 0137

 

  • Os naroneses caeron no polideportivo Antonio Garnacho por 6-3 malia a comezar o encontro dominando o xogo e adiantándose no marcador
  • Rubén, con dous tantos e Brais cun gol, foron os encargados de anotar para o Cidade

Narón, 17 de outubro de 2021.- O Cidade de Narón caeu derrotado esta xornada no seu desprazamento a terras castelán-leonesas ante o Unión Arroyo. Un partido que os naroneses comezaban por diante no marcador pero que non foron quen de rematar. Tres puntos que se quedan en Arroyo de la Encomienda logo de que o resultado final no luminoso do Antonio Garnacho-La Flecha reflectise 6-3 a favor dos locais. Os encargados de anotar os tantos amarelos nesta ocasión foron Rubén, en dúas ocasión, e Brais.

 

Así as cousas, o Cidade comezaba o choque cunha estratexia ben definida, buscando as costas da defensa local e presionando en primeira liña. O Arroyo se atopaba cun Cidade en media pista que concedía poucas oportunidades para atacar con perigo. De feito, cando a penas se levaban dous minutos de xogo, Rubén adiantaba ao Cidade no marcador cun control de costas que finalizaba á perfección.

 

Os naroneses se sentían cómodos en pista pero nunha boa xogada dos de Unión Arroyo, que conseguen salvar a presión naronesa, chegaba o empate ao marcador. A partir dese momento o partido entrou nunha fase de control por parte dos locais, que disfrutaban de maior posesión de balón pero que a penas inquietaban a portería defendida por Niceto. De feito, neses intres o Cidade dispoñía de varias boas ocasións para adiantarse. Unha das máis claras chegaba logo dunha xogada combinativa entre Diego e Brais que Rober finalmente erraba ao segundo pao. Tamén o man a man de Diego contra o gardamallas local. O Arroyo tamén tería as súas, con varios disparos ao segundo pao que tampouco converteron.

 

Nun momento no que o partido estaba tan aberto, con ocasións para os dous equipos, un despexe en longo do porteiro local que collía por sorpresa a Niceto adiantaba ao Arroyo no marcador. Era o 2-1 para os locais e aínda sen tempo para repoñerse, o Cidade encaixaría o terceiro tanto, logo dun gran tiro exterior de Josué. Así se chegaba ao descanso.

 

O segundo tempo comezaba coa mesma dinámica: o Cidade agardando a media cancha e un Arroyo con maior posesión de balón pero sen profundidade. Pero nunha saída de balón con presión do equipo da casa, os naroneses perdían o balón e Diego Sanz anotaba o 4-1 logo dun gran tiro exterior á escuadra.

 

Sen tempo que perder e lonxe de baixar os brazos, os de Javi Albes subían liñas e metían intensidade ao xogo ate que chegaba o tanto naronés nas botas do capi do equipo: Brais era o encargado de anotar o 4-2 no minuto 22 e de meter novamente ao Cidade no partido. Pero os erros volveron a condenar aos naroneses unha vez máis e cando parecía que o 4-3 para o Narón estaba máis preto no marcador, chegaría o quinto tanto dos valisoletanos, logo de aproveitar un balón morto na área naronesa.

 

Cinco minutos despois do tanto local e cun Cidade metido no partido, chegaba o último e definitivo gol para os amarelos: o seu autor volvía a ser Rubén e servía para manter a tensión do choque, xa que o Narón volvía a dispoñer de máis posesións con ataques directos. Pero a sorte estaba de costas para os xogadores naroneses xa que cando máis preto estaban de anotar, chegaba o sexto tanto local logo dun erro defensivo no que Cristóbal marcaba a pracer.

 

Con 6-3 no luminoso do Antonio Garnacho, Albes decidía sacar porteiro-xogador xerando varias ocasións ao segundo pao que non se conseguiron materializar. Por iso, o adestrador naronés lamentaba ao remate do partido “as oportunidades erradas, cun Cidade que cedeu a posibilidade de sumar na casa do Arroyo logo de numerosos erros defensivos”.

 

Ficha técnica:

 

Unión Arroyo: Alvaro, Diego, Virgilio, Mario e Josué. Tamén xogaron Jaime, Daniel, David, Adrián, Javier e Cristóbal.

 

Cidade de Narón: Nice, Rober, Diego V, Brais e Rubén. Tamén xogaron Luis, Oly, Pablo e Jacobo.

 


Goles: (0-1) min. 2, Rubén; (1-1) min 3, Cristóbal; (2-1) min. 17, Mario Puertas; (3-1) min. 17, Josué; (4-1) min.22, Diego Sanz.; (4-2) min. 22, Brais; (5-2) min. 25, Adrián; (5-3), min. 30, Rubén; (6-3) min. 31, Cristóbal.

 

Árbitros: Freddy Alexander Molina Muños e Ricardo Prieto González (C.T.A.F.S. Castelán-Leonés).

 

Pavillón: PM Antonio Garnacho-La Flecha.


O Cidade suma +3 na Gándara

 

DSC 0900

  • O equipo naronés xogou o seu partido máis completo dende que arrancou a liga dobregando a un Coruxo invicto ata hoxe
  • Diego Vázquez, con tres tantos; Jacobo, con dous; e Iván, con un, foron os encargados de anotar os goles da xornada
  • Narón, 10 de outubro de 2021.- O Cidade de Narón sumou esta xornada os tres primeiros puntos da temporada ante un IES Coruxo que chegaba á Gándara coa condición de invicto, logo de colleitar dúas vitorias e un empate. Os naroneses, que xogaron un partido moi completo tanto en defensa como en ataque, foron sempre por diante no marcador grazas aos tantos anotados por Diego Vázquez (3), Jacobo (2) e Iván. Ao final, 6-2 no luminoso naronés, un resultado que permite ao Cidade estrear o seu casilleiro de vitorias.

    Os primeiros vinte minutos de xogo resultaron moi activos, cun Cidade de Narón que aproveitou as súas primeiras ocasións para poñer distancia no marcador. Así, Jacobo era o encargado de anotar o primeiro tanto logo dunha xogada individual que arrancaba en medio campo e que remataba batendo ao porteiro visitante. Corría o minuto 9 e lonxe de baixar a garda, os amarelos mantiñan a presión e lograban anotar en menos dun minuto o segundo gol. Un tanto que saía das botas de Iván.

    Malia o resultado de 2-0 a favor dos locais, o Coruxo seguiu traballando para remontar o encontro, mentres que un Cidade moi concentrado no seu xogo apenas concedeu espazos aos de Lucas Fernández. E froito dese traballo chegaba o terceiro tanto naronés. E o encargado non era outro que Diego Vázquez, que no minuto 15 facía o 3-0 para os locais.

    O partido continuou con alternancia na posesión de balón, cun Narón que non cometía erros e dispoñía de numerosas oportunidades para incrementar a vantaxe e un Coruxo que contaba con varias ocasións de estratexia en transicións ofensivas. E, precisamente, nunha desas chegaba o primeiro tanto visitante, logo dunha falta ao borde do área que Alberto convertía dun forte disparo. Con ese resultado de 3-1 se chegaba ao descanso.

    A segunda parte non podía arrancar mellor para o Cidade cun gol tempraneiro aos 10 segundos de soar o asubío inicial logo dunha gran xogada que rematou Diego ao segundo pao. Era o cuarto tanto para o Cidade e o segundo na conta particular do 10 naronés.

    O Cidade decidía baixar entón a defensa a media pista e xestionar o encontro con tranquilidade e sen precipitacións. Mentres, o Coruxo buscaba ataques longos e situacións de un para un, xogando co pivot, unha estratexia que lles brindou algunha que outra ocasión. Sen embargo, foi o Cidade o que aumentou a brecha no marcador cun novo gol de Jacobo.

    A partir dese momento, o partido se volveu un ir e vir de ambos equipos ata que un dos poucos erros que cometeron os de Javi Albes propiciou o 5-2.

    E cando a penas quedaban cinco minutos para o remate do encontro, o adestrador visitante decidiu arriscar sacando porteiro-xogador. Un risco que propiciaba no minuto 38 o último e derradeiro gol dos naroneses logo dunha perda de balón do Coruxo que Diego Vázquez convertía dende a súa cancha. Con 6-2 no marcador se pechaba o partido e deixaba dous minutos finais cun bo traballo defensivo do Cidade e un Coruxo que o tentou ate o último segundo.

    Ao remate do partido, Javi Albes destacou a concentración e motivación do todos os seus xogadores “o que permitiu mostrar un gran nivel defensivo e deixarlle poucas ocasións ao Coruxo para anotar”.

    Ficha técnica:

    Cidade de Narón: Nice, Rober, Diego V, Brais e Rubén. Tamén xogaron Luis, Oly, Iván, Pablo e Jacobo.

    IES Coruxo FS: Antonio, Bruno, Pablo, Iago e Quique. Tamén xogaron Cristian, Rodrigo, Camilo, Alberto, Jorge, Alexis e Alejandro.

    Goles: (1-0) min. 9, Jacobo; (2-0) min 9, Iván; (3-0) min. 15, Diego V.; (3-1) min. 16, Alberto; (4-1) min. 21, Diego V.; (5-1) min. 31, Jacobo; (5-2) min. 33, Rodrigo; (6-2), min. 38, Diego V.

    Árbitros: José Enrique Rodríguez Rendal e Andrés Felipe Vanegas Betancur (C.T.A.F.S. Principado de Asturias).

    Pavillón: CMD A Gándara.

 

Un mal arranque de partido condiciona ao Cidade en Segovia

Segosala 7 web

 

  • Os amarelos caeron por 6-2 no Municipal Pedro Delgado fronte a un Segosala moito máis rodado neste inicio de Liga
  • Jacobo e Diego Vázquez foron os encargados de anotar os tantos dos naroneses

 

Narón,  3 de outubro de 2021.-  O Cidade de Narón veu de baleiro de Segovia logo de caer por 6-2 no municipal Pedro Delgado. Un partido que os amarelos comezaban con boas sensacións pero que varios erros encadeados no primeiro tempo en apenas catro minutos condenaron aos de Javi Albes a remar a contracorrente durante o resto do encontro. Os encargados de anotar os tantos do Cidade foron Jacobo e Diego Vázquez.

O choque entre segovianos e naroneses arrancaba  cun Narón coas ideas ben claras e que callaba boas xogadas saíndo da presión alta de Segosala. Coas primeiras rotacións chegaron tamén os primeiros atrancos e tras un mal despexe do porteiro naronés chegaba o primeiro tanto dos locais. Corría o minuto catro de partido.

O gol do Segosala provocaba que o Cidade perdese de vista o plan de xogo que tiña establecido e que, pola contra, os locais foran collendo confianza. E no minuto 6 caía o segundo tanto dos segovianos. Un gol que sacaba ao Cidade do partido malia as rotacións introducidas polo técnico naronés para tentar frear as acometidas dos de casa.

Pasaban os minutos e o Cidade seguía sen atopar o seu sitio na pista mentres que o Segosala se plantaba no ecuador do primeiro tempo cun 4-0 a favor. Un punto de inflexión para o equipo de Javi Albes, que resolvía mudar de estratexia e sacar porteiro-xogador. Unha decisión que carrexou a alternancia de posesións con finalizacións, e que facilitou que os xogadores amarelos volvesen a coller confianza e a dispoñer de varias ocasións para inaugurar o marcador. Así se chegaba ao descanso no Municipal Pedro Delgado.

No  segundo tempo,  o Cidade saíu con outra faciana, tentando cambiar o sino do partido a través dunha presión alta, moitas rotacións e maior intensidade no xogo. Unha estratexia que dificultou a saída de balón do Segosala e que ofreceu aos naroneses novas oportunidades para anotar. Ata que a falla de 11 minutos, Albes volveu a recorrer á figura do porteiro xogador e dous minutos despois chegaba o primeiro gol dos de Narón logo dun penalti sobre Rober que convertía Jacobo.  

Ese primeiro tanto conseguido no minuto 33 espoleou aos do Cidade para loitar polo partido e a penas un minuto despois Diego Vázquez  culminaba un ataque cun golpeo dende fóra que poñía o 4-2 no luminoso segoviano. Aínda desfrutaría o equipo de Narón de varias oportunidades para anotar, como o tiro exterior de Jacobo que non chegou a entrar. Pero cando máis preto estaba o Cidade de recortar distancias, chegaba o quinto do Segosala tras un mal pase no xogo de porteiro-xogador. E un minuto despois, no 39, os segovianos facían o último e definitivo tanto.  

Logo de rematar o encontro, o técnico naronés lamentaba que “ un mal arranque condicionase o resto do encontro e nos obrigase a ir a remolque”. O vindeiro fin de semana o Cidade de Narón se medirá na Gándara ao IES Coruxo FS na cuarta xornada de liga.

 

Ficha técnica:

Segosala Segobús: Ángel, Guille, Edu, Óscar e Pablo Portal.Tamén xogaron Unai, Monir, Javito, Marcos, Pedro Bayón e Álex Rincón.

Cidade de Narón: Fer Combarro, Diego Vázquez, Brais, Oli e Pablo. Tamén xogaron Diego Rey, Luis, Rober, Rubén e Jacobo.

Goles: (1-0) min. 4, Edu; (2-0) min 6, Monir; (3-0) min. 9, Monir; (4-0) min. 10, Monir; (4-1) min. 33, Jacobo; (4-2) min. 34, Diego V.; (5-2) min. 38, Edu; (6-2), min. 39, Monir.

Árbitros: David Franco e Rubén Pascual (C.T.A.Castellano-Leonés).

Pavillón: PM Pedro Delgado (Segovia)

A falta de acerto priva ao Cidade dos primeiros tres puntos da tempada 

Mieres 1

  • Malia crear un sinfín de ocasións, os xogadores que adestra Javi Albes non foron quen de facerse coa victoria
  • Iván (2), Rubén e Jacobo foron os encargados de anotar os tantos naroneses

 

Narón, 19 de setembro de 2021.- O Cidade de Narón viaxaba a Mieres coas miras postas nos primeiros tres puntos da tempada. Sen embargo, a falta de acerto cara a portería privou aos naroneses dunha victoria que mereceron por xogo e ocasións pero que deixaron escapar porque non foron quen de atravesar as mallas do Rácing de Mieres.

Arrancaba o encontro da primeira xornada de Liga da Segunda División B con Fernado Combarro baixo os paos, Rober, Diego, Brais e Rubén. Os primeiros minutos de encontro foron de tanteo entre os dous equipos, cun Cidade que arrancaba algo teimudo pero que pouco a pouco se foi facendo co partido ata que no minuto 7 Iván abría o marcador e adiantaba ao Narón. A alegría duraría pouco xa que un erro nunha marcaxe dunha falta permitu aos locais empatar o encontro cando apenas tiña pasado un minuto dende o tanto anotado polo 9 naronés. O Cidade seguía dominando o xogo ante un Mieres ao que lle costaba saír da súa parcela ata que no minuto 14 o porteiro local decidía saír xogando o balón e disparaba ao segundo pao poñendo aos locais por diante.

O Cidade conseguiu refacerse deste atranco e logo dunha gran xogada individual de Rober que poñía o balón ao segundo pao, Rubén anotaba o o 2-2 para o Narón ante de irse ao descanso.

A segunda metade do encontro foi de dominio claramente naronés que, sen embargo, acusou os poucos erros cometidos durante o encontro. O primerio deles custaríalle o 3-2 logo dunha perda de Diego na saída de balón. Os de Narón comezaron entón a xerar ocasións que non se materializaban en goles ata o tanto de Iván no minuto 29, o segundo da súa conta e o terceiro dos de Javi Albes. Un gol que volvía a poñer o empate no luminoso do Polideportivo Mieres Sur.

O Cidade de Narón continuou coa súa ofensiva, xerando xogo e ocasións ate o minuto 34, no que os locais volvían a adiantarse no marcador logo de ganduxar unha boa xogada de pivot.

O crono corría en contra do equipo de Narón que incrementou a presión sobre os de Mieres e dispuxo de numerosas oportunidades para facerse co partido ata que chegou o tanto de Jacobo de doble penalti. Faltaban dous minutos para o remate do encontro e chegaba logo de que os árbitros sinalasen a sexta falta dos asturianos.

Con empate no marcador a 4 goles e 30 segundos despois do tanto amarelo, unha perda de último de Brais foi ben aproveitada polo Mieres para anotar o quinto e definitivo gol. O tanto que lles daría a victoria. Malia os intentos dos xogadores de Narón por empatar o encontro, o resultado final foi de 5-4 a favor dos locais. Ao remate do partido, Javi Albes lamentaba a falta de acerto do seu equipo e felicitaba ao Rácing de Mieres que “foi quen de rendabilizar as poucas ocasións das que dispuxo”.

O vindeiro fin de semana o Cidade de Narón se estreará na casa frente ao Santiago Futsal. Un encontro que comezará ás sete do serán.

 

Ficha técnica:

Rácing de Mieres “A”: Alfredo, Jairo, Izán, Roberto e Hugo. Tamén xogaron Edgar, Manel, Adrián, Jesús, José Manuel e Josué.

Cidade de Narón: Fer Combarro, Diego Vázquez, Brais, Rubén e Rober. Tamén xogaron Diego Rey, Iván, Oli, Pablo e Jacobo.

Goles: (0-1) min. 7, Iván; (1-1) min 8, Izan; (2-1) min. 14, Josué; (2-2) min. 19, Rubén; (3-2) min. 22, Izan; (3-3) min. 29, Iván; (4-3) min. 35, Edgar; (4-4), min. 38, Jacobo; (5-4) min. 39, Roberto.

Árbitros: Casimiro Miguel Lucas e Juan Haedo Gago (C.T.A.Castellano-Leonés).

Pabellón: Polideportivo Mieres Sur (Mieres)

01_concello_naron.jpg02_padroado_deportes.jpg03_xunta_de_galicia.jpg04_fundacion_deporte_galego.jpg05_deputacion_coruna.jpg06_mafer.jpg07_fraguela.jpg
02_logo_marcial.jpg03_logo_TOBS.jpg04_logo_tintosec.jpg05_logo_cadenadial.jpg06_Logo_Telecom.jpg07_logo_Terafis.jpg08_viaxes_naron.jpg09_autos_camilo.jpg12_urbaser.jpg13_logo_calzadosmara.jpg15_logo_joyeria_fidalgo.jpg16_tienda_taberna_chis.jpg18_logo_error_ferrol.jpg19_logo_avansig.jpg22_Valio_marquesina.jpg29_Ramos_marquesina.jpg30_InmoCallao_marquesina.jpg31_Carlos_Veiga_marquesina.jpg